Անվճար կայքի մրցույթ 2017
Դուք ունեք շատ գրավիչ և շատ օգտակար կայքի գաղափար, բայց չունե՞ք հնարավորություն այս պահին այն իրագործելու, ապա այս մրցույթը Ձեզ համար է։ Մենք կօգնենք ձեր գաղափարը իրականություն դարձնել։
Մրցույթի սահմաններում ցանկացած անհատ կամ ընկերություն կարող է ներկայացնել իր գաղափարը կայքի համար՝ առաջնորդվելով ստորև նշված մանրամասներով: Հանձնաժողովը մեկ գաղափար-կայքը հաղթող կճանաչի և անվճար կպատրաստի այն իր հեղինակի համար:Նաև ամենահետաքրքրիր մտքերի հեղինակները հնարավոր է աշխատանքի առաջարկ ստանան ընկերության կողմից։
Ֆրիդոմ Դեվելոփմենթ ՓԲԸ-ն ողջունում է գործընկերներին, որոնք ցանկանում են հանդիսանալ «Անվճար կայքի մրցույթ» նախաձեռնության մաս եւ մասնակցել հաղթողի ընտրության ընթացքին: Համագործակցության համար դիմեք հետեւյալ հղումով:
«Անվճար Կայքի Մրցույթ 2017»-ի հաղթողը ընտրված է:
Ֆրիդոմ Դեվելոփմենթ-ը, նախագծի գործընկեր U!com ընկերության հետ համատեղ, ընտրել է ամենա արժանի գաղափար-կայքը, որը կյանքի կկոչվի:
Այժմ կայքը ստեղծված է, և մենք կուզենայինք հայտարարել հաղթող գաղափար-կայքը` «Ես կամավոր եմ», որը հասանելի է հետևյալ հղումով` https://iv-club.com:
Մեկ անգամ էլ շնորհավորում ենք հաղթող գաղափար-կայքի հեղինակին` Լիլիթ Ավդալյանին:
Մարցույթն ամենամյա բնույթ է կրելու: Առաջարկում ենք հետեւել մեր նորություններին եւ մասնակցել հաջորդ տարի: Հուսանք մինչ այդ դուք կպատրաստեք հիանալի կայքի գաղափար, որի հաղթելու դեպքում Ձեր կայքը նույնպես կպատրաստվի անվճար:
- Ստեղծել կայք, որն առանց այս հնարավորության անհնար կլիներ իրագործել։
- Ստեղծել կայք, որը կլինի մեր հպարտությունը։
- Հնարավորություն տալ կյանքի կոչել մի կայք, որն օգտակար կլինի հանրությանը։
- Հնարավորություն տալ այն մարդկանց, ովքեր ունեն հետաքրքիր գաղափարներ, սակայն չունեն բավարար միջոցներ դրանք իրականացնելու համար։
- Տաղանդների բացահայտում։
- Հայաստանում Վեբ ոլորտի զարգացում։
- Կբացահայտենք այն հետաքրքիր ու պայծառ մտքերը, որոնք մարդիկ երբևէ ցանկացել են իրագործել կայքի տեսքով։
- Բոլորի համար կստեղծենք նոր գործընկերներ ձեռք բերելու հարթակ:
- Մասնակցությունն անվճար է։
- Հայտերի հիմնական նպատակը պետք է լինի հանրությանը օգտակարությունը և ոչ թե շահի հետապնդումը:
- Յուրաքանչյուր մասնակից կարող է ներկայացնել առավելագույնը մեկ հայտ։
- Անհրաժեշտ է ներկայացնել Գաղափարի մանրամասն նկարագրություն։
- Գաղափարի / կայքի ոլորտի սահմանափակումներ չկան
- Նախագծի իրականացման արժեքը չպետք է գերազանցի 2,000,000 ՀՀ դրամը։
- Նախագծի գնահատումը կատարվում է կազմակերպչի կողմից՝ հաշվի առնելով հայաստանյան շուկայի չափանիշները։
- Մրցույթին կարող են մասնակցել ցանկացած մասնագիտությամբ / մասնագիտացմամբ անհատը/ընկերությունը
- Մրցույթին չեն կարող մասնակցել․
- կազմակերպիչ ընկերության աշխատակիցները կամ նրանց ընտանիքի անդամները
- այն անհատները / ընկերությունները, ովքեր սահմանված ժամանակահատվածում չեն ներկայացրել մասնակցության հայտ:
- Հայտերի ներկայացման սկիզբ - 30/09/2017
- Հայտերի ներկայացման վերջնաժամկետ - 10/10/2017
- Մրցույթի ամփոփում և հաղթողի հայտարարում - 25/10/2017
- Հաղթող անհատը/ընկերությունը ընտրվում է Հանձնաժողովի կողմից, որը կընտրվի կազմակերպչի կողմից:
- Քվեարկման ձայները բաշխված են լինելու կազմակերպչի և առկայության դեպքում՝ հովանավորների միջև
- Հաղթող կճանաչվի այն ընկերությունը/անհատը, ում ներկայացրած հայտը մրցույթի հանձնաժողովի անդամների կողմից կընտրվի որպես առավել բնօրինակ, առավել գրավիչ, առավել օգտակար հանրությանը եւ լավ սահմանված:
- Կայքի գաղափարի սեփականության իրավունքը պատկանելու է հեղինակին:
Ընկերությունը երաշխավորում է, որ Ձեր ներկայացված հայտը չի հրապարակվի, օգտագործվի որևէ այլ աշխատանքում՝ պահպանելով Ձեր իսկ հայտի հեղինակային իրավունքները։ Հայտն ուղարկելիս ձեր միտքն գրանցվում է որպես Ձեր հեղինակություն՝ հիմք ընդունելով նամակագրությունը, որը հետագայում կարող է լինել ապացույց։
Մասնակցության համար անհրաժեշտ է պարզապես լրացնել ստորեւ առցանց հայտը` ձեր եւ ձեր նախագծի մանրամասներով և կցելով անհրաժեշտ նյութերը։
Your application has been successfully sent.
Sorry there was a problem